Në Prishtinë mbahet konferencë shkencore për nder të 50-vjetorit të Kongresit të Drejtshkrimit

Me rastin e 50-vjetorit të Kongresit të Drejtshkrimit sot është duke u mbajtur konferenca shkencore me temën "Shqipja standarde sot" në Akademinë e Shkencave dhe e Arteve e Kosovës. Në këtë konferencë po marrin pjesë gjuhëtarë e studiues të njohur të shqipes që po i trajtojnë çështjet dhe zhvillimet e shqipes në këto 50 vjet. Ky është organizim i Akademisë së Shkencave dhe të Arteve të Kosovës në bashkëpunim me Akademinë e Shkencave të Shqipërisë, njofton Klankosova.tv Kujtojmë se nga 20 deri më 25 nëntor të vitit 1972 Kongresi i Drejtshkrimit të Gjuhës Shqipe zhvilloi punimet në Tiranë. Aty u bë njësimi e një gjuhe të përbashkët letrare për të gjithë shqiptarët.