Në pritje të vaksinave për COVID-19, përgatitet ruajtja e tyre (VIDEO)

Kosova do të arrijë të sigurojë më shumë vaksina për COVID-19 se sa ato për grip sezonal. Për sigurimin e kurës së koronavirusit, tashmë Ministria e Shëndetësisë ka bërë planifikimet dhe ka për synim që rreth 50% e popullsisë të imunizohet. E sigurimin e saj do ta bëjë përmes Aleancës Globale të Vaksinimit COVAX, kurse 360 mijë doza të jepen falas nga kjo aleancë. '''Ditën e hënë bëhet edhe aplikimi zyrtar për sigurimin e atyre vaksinave të cilat Kosova do t'i blejë, përveç atyre që do jepen falas'', tha Faik Hoti, Zyrtar për Informim nga Ministria e Shëndetësisë. Përveç sigurimit të këtyre dozave, Ministria e Shëndetësisë ka muaj që po bënë përgatitjet teknike dhe logjistike për ruajtjen dhe sigurinë e vaksinës COVID-19, ku të gjitha këto pajisje dhe të tjera kapin vlerën prej 2 milionë euro. Kurse i pari i Shëndetësisë, Armend Zemaj gjatë të premtes tha se do të nisin negociata për të krijuar edhe alternativa të tjera për sigurimin e vaksinës. https://youtu.be/oMDO8hfIqSA