Në Siri gjendet mozaik romak i vjetër 1,600 vjet

Në Sirinë qendrore, është zbuluar një mozaik romak 1,600-vjeçar, praktikisht i paprekur. Mozaiku, u gjet nën një ndërtesë në Rastan afër Homsit, me përmasa 20 x 6 m (65,5 x 20 këmbë), e cila u mbajt nga rebelët në luftën civile deri në vitin 2018. Në të janë shfaqur skena mitike duke përfshirë luftërat e Trojanit dhe Amazonës, dhe thuhet se është më e rralla e këtij lloji. Shumë nga thesaret arkeologjike të Sirisë janë dëmtuar pas më shumë se një dekade lufte. Por zbulimi i fundit po përshkruhet si më i rëndësishmi, që nga fillimi i konfliktit në 2011. "Ajo që është para nesh është një zbulim që është i rrallë në shkallë globale", tha për Associated Press, Hamman Saad, një zyrtar i lartë në Drejtorinë e Përgjithshme të Muzeve dhe Antikiteteve të Sirisë, transmeton KlanKosova.tv. Ai shtoi se mozaiku ishte i pasur në detaje, duke portretizuar perëndinë romake të detit Neptun dhe 40 dashnoret e tij, si dhe Herkulin që vrau mbretëreshën e Amazonës Hipolita. Rastan, ishte një bastion i rebelëve dhe skenë luftimesh intensive derisa u kap nga forcat qeveritare siriane në vitin 2018. Siria konsiderohet një thesar për arkeologët, duke qenë shtëpia e disa prej relikteve më të ruajtura të qytetërimeve të lashta, duke përfshirë Xhaminë Umajad në Damask dhe qytetin antik të Palmirës. Por shumë janë shkatërruar ose plaçkitur në luftën civile. Në vitin 2015, grupi i Shtetit Islamik pushtoi Palmyrën duke shkaktuar shkatërrime në qytet. Kaosi ka nxitur gjithashtu një treg të zi në sende më të vogla si monedha dhe statuja.