Në zonat e banuara me serbë në Kosovë, dy vdekje të tjera - 31 raste të reja me Covid-19

Në zonat e banuara me serbë në Kosovë, 31 persona të tjerë janë prekur me Covid-19, ndërsa dy vdekje u regjistruan në 48 orët e fundit. Kështu ka njoftuar specialisti serb i epidemiologjisë Aleksandar Antonijeviq. Të dy personat e vdekur janë nga komuna e Zveçanit dhe kishin sëmundje shoqëruese. Një person ndërroi jetë dje, dhe tjetri pardje. Nga 60 persona që u testuan të shtunën, 18 korrik - 31 persona u sëmurën me Covid-19, tha mjeku Antonijeviq. Nuk ka raportuar raste të shërimit në 24 orët e fundit, raporton Radio Kontakt Plus, transmeton Klan Kosova. Gjithsej 112 persona u shtruan në spital me një test pozitiv PCR.