Neonatologjia pritet të bëhet me pompën e parë të gjirit (VIDEO)

Të ftuara të emisionit të mëngjesit ishin Ariana Nila dhe Hana Kurti, me të cilat u bisedua më shumë rreth kampanjës “Mbeshtet gjidhënien”. Ariana Nila e cila është pronare e një marke për bizhuteri, ka bashkuar forcat me organizatën joqeveritare, Action for Mothers and Children (AMC), dhe La Leche Kosova (LLCH), për të realizuar kampanjën për nxitjen e gjidhënies duke krijuar stoli me qumësht gjiri dhe kapakë të argjendit për gjinj. Gjatë kësaj fushate ato kanë publikuar edhe librin “Zana dhe Mesi”, i cili është një udhërrëfyes për një grua, që nga planifikimi i lindjes deri tek gjidhënia. Një pjesë e fondeve të fituara nga shitja e stolive me qumësht gjiri & Silver Cups do të dhurohen si donacion për të blerë pompën e parë spitalore për pompimin e qumështit të gjirit në QKUK. Për më shumë, ndiqeni linkun e bashkangjitur: https://www.youtube.com/watch?v=sih6mqZYdAs&t=188s