Nga janari deri në shtator qeveria mblodhi 1.89 miliardë euro, shpenzoi 1.65 miliardë

Qeveria e Kosovës, ka miratuar draftin e raporti 9-mujor financiar të buxhetit të vendit për vitin 2022. Në fjalën e tij, Murati tha se raporti i periudhës janar – shtator 2022 përmban analiza përmbledhëse të kësaj periudhe, pasqyron të hyrat sipas institucioneve, detajet mbi të hyrat sipas tatimeve si dhe krahasimet me periudhat paraprake dhe projeksionet buxhetore. Murati tha se mund të konstatohet se gjatë periudhës janar – shtator, pranimet janë në vlerë prej 1 miliard e 890 milionë euro, ndërsa pagesat në vlerë 1 miliard e 654 milionë euro. “Si përmbledhje mund të konstatojmë se gjithsej, pranimet përgjatë 9-mujorit janë në vlerë prej 1 miliard e 890 milionë euro, ndërsa pagesat arritën vlerën prej 1 miliard e 654 milionë euro, që paraqet një rritje prej 6% në krahasim me periudhën e njëjtë raportuese të vitit paraprak”, është shprehur Murati, njofton Klankosova.tv. Tutje, ai tha se si rezultat i kësaj ka edhe ndryshim në bilancin e fondeve, i cili sipas tij, ky bilanc neto më 30 shtator arriti vlerën prej 590 milionë euro, ndërsa gjendja fillestare ishte milionë euro.