Nga nesër kthehet në funksion shërbimi i radioterapisë në Klinikën e Onkologjisë (VIDEO)

Nga nesër do të kthehet në funksion shërbimi i radioterapisë në Klinikën e Onkologjisë në Qendrën Klinike Universitare të Kosovës. Këtë e ka bërë të ditur për gazetaren e Klan Kosovës, Arbreshë Uka, ushtruesi i detyrës së drejtorit të Onkologjisë, Ardian Millaku. Pacientët të cilët do e vazhdojnë trajtimin janë kontaktuar në ditën e premte, pra gradualisht do të njoftohen të gjithë pacientët që janë për trajtimin me rrezatim. Trajtimet e radioterapisë ishin ndërprerë për shkak se klinika ishte zhytur në ujë për 13 ditë si pasojë e reshjeve të shiut. Ministri i Shëndetësisë, Rifat Latifi, gjatë vizitës që i kishte bërë kësaj klinike javën paraprake, pati thënë se këtyre pacientëve do t’u mundësohet shërbimi në Shqipëri. Të mërkurën e kësaj jave, Klan Kosova e kishte përgatitur një storje lidhur me pajisjet e kësaj klinike. https://www.youtube.com/watch?v=Uoyu7KP8nWs&t=1s