Nga sëmundjet e zemrës deri tek diabeti, këto janë arsyet që urinoni gjatë natës

Shumica e njerëzve e kanë përjetuar bezdinë e zgjimit në mes të natës për t'u urinuar dhe kjo mund të ndodh për arsye të ndryshme. Shkaqet më të zakonshme janë pirja e shumë lëngjeve para se të shkoni në shtrat dhe problemet që lidhen me gjumin. Me kalimin e moshës ju prodhoni më pak hormon anti-diuretik, një kimikat që ndihmon trupin tuaj të mbajë lëngun, duke ndaluar kështu nevojën për të shkuar sa më shumë gjatë natës. Tek meshkujt, edhe ndryshimet e prostatës mund të jenë një faktor, pasi gjëndrat rriten me kalimin e moshës dhe bëjnë presion mbi retrën, shkruan The Sun, transmeton Klankosova.tv. Sëmundjet e zemrës mund të jenë një tjetër shkak që ju urinoni gjatë natës, pasi kur zemra dhe qarkullimi juaj dobësohen, do të vini re ënjtje të kyçit të këmbës, pastaj nga kjo ënjtje absorbohet në qarkullimin e gjakut dhe më pas kalon nga veshkat, gjë që rrit nevojën tuaj për të urinuar. Një gjendje tjetër mjekësore që mund të rrisë mundësinë e nevojës për urinim gjatë natës është diabeti, kjo është për shkak se nivelet e larta të sheqerit në gjak rritin etjen tuaj në mënyrë që të pini më shumë dhe irritojnë fshikëzën. Ka disa masa paraprake që mund të merrni për të reduktuar shpeshtësinë e nevojës për urinim gjatë natës, e një prej tyre është edhe shmangia e pijeve që përmbajnë kafeinë ose alkool, pastaj edhe ruajtja e peshës për të mos ushtruar presion mbi fshikëzën. Nëse kjo gjendje bëhet e vazhdueshme, atëherë ju duhet të vizitoni një mjek dhe mund t'ju përshkruajë ilaçet e nevojshme për të ndihmuar në lehtësimin e kësaj gjendje.