Nga shitësi i parketit në fitues të Kupës së Zvicrës, historia e trajnerit italian

Valët e jetës e përplasin njeriun ngado. Sot mund të jesh një punëtor i thjesht diku, por nesër mund të jesh diku i prekur majat, në sport, art, kulturë, biznes, muzikë e shumë fusha të tjera. Madje ndoshta njeriut i nevojitet vetëm një mundësi për të shpërthyer. E një histori të tillë e pati edhe Mattia Croci-Torti. Italiani 40 vjeçar prej disa muajsh është emëruar si trajner i ekipit të Luganos. Croci - Torti, tani po e feston triumfin më të madh të karrierës së tij. Italiani ka arritur që me skuadrën që e drejton ta "rrëmbejë" Kupën e Zvicrës. Edhe për vet 40 vjeçarin u duk e pabesueshme kjo. Madje, ai shpërtheu në lot pas këtij suksesi. "Ne dhamë gjithçka për të fituar. Sot ne jemi në librat e historisë. Jam vërtet i lumtur. Si shitës, duhet të bindësh njerëzit se parketi yt është më i mirë se secili lloj tjetër. Si trajner futbolli është e njëjta gjë. Ju duhet t’i bindni lojtarët tuaj se ajo që po bëni ka kuptim". Lugano ka arritur që të dielën ta mposht St.Gallen me rezultat 4:1 në finalen e Kupës së Zvicrës.