Nga spitali në qeli, Fatmir Shehollin e kthejnë në paraburgim

Fatmir Sheholli, i cili u arrestua nën dyshimin për spiunazh, është kthyer nga spitali në Qendrën e Paraburgimit në Gjilan. Kjo u konfirmua për Klankosova.tv nga zëdhënësi i Shërbimit Korrektues të Kosovës Florent Gashi. "Pas disa ekzaminimeve dhe trajtimeve në spitalin e Gjilanit, ai është kthyer në Qendren e Paraburgimit", deklaroi Gashi për Klankosova.tv. Sheholli, më 11 tetor kishte kërkuar ndihmë mjekësore dhe ishte hospitalizuar në spitalin e Gjilanit. Ndaj tij, është caktuar masa e paraburgimit prej një muaj nga Gjykata Themelore e Prishtinës./ Klankosova.tv.