Për më shumë se gjysmë shekulli, tri gjenerata të familjes Mehmeti jetuan në një shtëpi në lagjen Tophane të Prishtinës, pronë që ishte blerë dhe ndërtuar nga Tefik Mehmeti.
Pas luftës së vitit 1999, kur familja u detyrua të largohej fillimisht në Maqedoninë e Veriut e më pas në Gjermani, në shtëpi ishte strehuar një familje tjetër. Sipas pronarëve, ata u lejuan të qëndronin përkohësisht.
Por ajo që nisi si një akt human, sipas tyre, përfundoi në një padrejtësi të madhe, raporton emisioni MAT në Klan Kosova.
Të strehuarit – që rastësisht mbanin të njëjtin mbiemër, Mehmeti – arritën ta shesin pronën, sikur të ishte e tyre.
Familja legjitime, pjesë e komunitetit rom, thotë se institucionet nuk reaguan me kohë, ndërsa sot kërkon kthimin e shtëpisë. Ndërkohë, blerësit kërkojnë kthimin e investimeve, kurse personi që e shiti pronën jeton jashtë vendit.
Adile Mehmeti-Kurti, vajza e Selatin Mehmetit, kujton jetën në atë shtëpi.
“Aty kanë jetu vëllezërit, edhe nuset edhe fmitë edhe krjetë, qaty janë martu e qaty krejtë”, tregon ajo për emisionin MAT në Klan Kosova.
Ndërsa nipi i Selatinit, Erdoan Mehmeti, thotë se aty kaloi fëmijërinë.
“Unë kam lindë në 1977 dhe kam lindë në atë shtëpi. Kujtime shumë edhe unë sikur halla jam shku në shkollë fillore Meto Bajraktari, krejt fëmijërinë e kam kalu në atë shtëpi”, thotë mes tjerash Erdoani.
Ndiqeni të plotë këtë pjesë:
https://youtu.be/hrFpDSD2cKw
https://youtu.be/4QMsD-XJig4
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
