Ngacmimet në Mitrovicë të Veriut, Elshani: Policët do të monitorojnë rrugët 24 orë (VIDEO)

Policia në veri të vendit ka ndërmarr plan të ri që rrugët atje të jenë të sigurta, sidomos për vajzat e gratë. Zëvendësdrejtori për rajonin e Veriut, Veton Elshani, ka dhënë detaje shtesë lidhur me këtë plan në emisionin “Fol me Arin”, transmeton Klankosova.tv. “Kemi pasur disa ankesa të cilat na janë adresu për shkak të ngacmimeve seksuale që kanë ndodhur ne veri të vendit, respektivisht në Mitrovicë të Veriut. Mandej dolëm me në task-forcë që e ka formuar drejtori i përgjithshëm i policisë, të cilën unë e udhëheq. Po ashtu EULEX-i dhe IPK janë monitorues”. “Në secilën rrugë në veri të vendit, që janë përafërsisht pesë rrugë, nga dy policë do të patrullojnë 24 orë në ditë, njëri nga ta do ta ketë kamerën e trupit, njëri apo të dy do të flasin gjuhën serbe”, tha Elshani. Ai tha se ky plan ka sjell rezultate të mira, pasi nuk janë raportuar raste të ngacmimit seksual. https://www.youtube.com/watch?v=Yq5tT3I68mQ