Ngjarje tragjike në Mirditë: 49 vjeçari rrëshqet aksidentalisht e mbytet në lum

Një ngjarje tragjike ka ndodhur mbrëmjen e së hënës në Mirditë të Shqipërisë. Atje, e ka humbur jetën një 49 vjeçar. Siç raportojnë mediat në Shqipëri, M.K dyshohet se ka rrëshqitur aksidentalisht dhe ka rënë në lumin Fan i vogël. Dyshohet se ngjarja ka ndodhur derisa ai po kthehej në banesën e tij. "Mirditë/Më datë 20.10.2025, rreth orës 22:30, shtetasi M. K., 49 vjeç, banues në fshatin Ndërfushas, duke shkuar në banesën e tij, dyshohet se aksidentalisht ka rrëshqitur dhe ka rënë në lumin Fan i Vogël, ku si pasojë e mbytjes ka humbur jetën. Materialet iu referuan Prokurorisë, për ngjarje aksidentale. Materialet procedurale për rastet e tjera iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme".