Ngordhin 72 tigra në parkun turistik tajlandez, nisin hetimet

Autoritetet në Chiang Mai, një qytet në Tajlandën veriore, po hetojnë ngordhjen e 72 tigrave në një atraksion turistik të njohur këtë muaj. Tigrat ngordhën në një hark kohor prej më pak se dy javësh në dy objekte të Tiger Kingdom Chiang Mai, një park ku vizitorët mund të prekin dhe të bashkëveprojnë me kafshët, shkruan BBC, transmeton Klankosova.tv. Departamenti lokal i bagëtive tha se mostrat nga tigrat treguan virusin e murtajës së qenve - megjithëse autoritetet nuk kanë konfirmuar se si ndodhi shpërthimi. Zyrtarët thanë të hënën se kishin djegur dhe varrosur mbetjet e tigrave.