Nis samiti digjital në Shkup ku po merr pjesë edhe Haradinaj

Qeveria e Maqedonisë dhe Ministria për Shoqëri Informatike dhe Administratë (MSHIA)  janë nikoqirë të Samitit të parë digjital në Shkup, që i i filloi punimet sot. Aktiviteti organizohet në bashkëpunim me Këshillin për bashkëpunim rajonal, qeveritë tjerë të Ballkanit Perëndimor, Komisionin Evropian (KE) dhe Ministria Federale e Gjermanisë për Çështje Ekonomike dhe Energjetikë. Në Samit po marrin pjesë shefa të qeverive të Ballkanit Perëndimor,në mesin e të cilëve edhe kryeministri i Kosovës, Ramush Haradinaj, ministra përgjegjës për agjendën digjitale në qeveritë e Ballkanit Perëndimor, dhe vendet anëtare të Bashkimit Evropian (BE) që marrin pjesë në Procesin e Berlinit, afaristë, akademikë, të rinj, etj. Në samit do të ketë panel diskutime për ndërlidhje digjitale, integrim të ekonomive, përforcimin e sigurisë kibernetike, digjitalizimin e industrive. Samiti do t’i mbyll punimet në ditën e nesërme, 19 prill.