Nisin xhirimet e filmit “Sirin”, aktorja kosovare me rol kryesor

Gjatë ditës së djeshme kanë filluar xhirimet e filmit “Sirin” me regji të regjisorit malazez Senad Shahmanoviq. Rolin kryesor në këtë film do ta mbajë aktorja kosovare Maylinda Kosumoviq, e cila do të luajë krahas aktoreve të njohura evropiane, Danica Curiçiq dhe yllit të filmit boshnjak “Quo Vadis Aida”, Jasna Gjuriçiq. Në role të tjera do të paraqiten edhe aktorët Fatmir Spahiu, Simon Shkreli, Bashkim Alaj e të tjerë. Xhirimet e filmit do të bëhen kryesisht në Ulqin dhe Podgoricë. Ndërkaq, premiera e tij pritet të jetë në fund të këtij viti. Filmi është bashkëprodhim i Malit të Zi, Kosovës, Shqipërisë, Bosnjës dhe Kroacisë.