Një anije franceze kalon ngushticën e Hormuzit për herë të parë që nga fillimi i luftës

Një anije me kontejnerë në pronësi franceze ka kaluar përmes Ngushticës së Hormuzit, në atë që duket të jetë kalimi i parë i njohur i një anijeje të lidhur me Evropën Perëndimore që kur konflikti në Iran ka ndaluar pothuajse të gjithë trafikun në këtë rrugë kyçe detare. Anija, e emërtuar CMA CGM Kribi, u nis të enjten pasdite pranë Dubait drejt Iranit, duke transmetuar sinjal që tregon pronësinë franceze, sipas të dhënave të ndjekjes së anijeve, shkruan Bloomberg, transmeton Klankosova.tv. Ajo udhëtoi pranë bregut iranian, përmes një kanali midis ishujve Qeshm dhe Larak, dhe më pas sinjalizoi se ndodhej pranë Muscatit të Omanit, me burime që konfirmuan se kalimi ishte i suksesshëm. Irani ka marrë një rol kontrollues për këtë zonë, duke vendosur sisteme ku kalimet e anijeve miratohen paraprakish, disa vende, si Pakistani, kanë arritur marrëveshje për kalime të anijeve të tyre. Kalimi i CMA CGM Kribi konsiderohet një zhvillim i rëndësishëm, pasi tregon se edhe në një situatë të tensionuar, anijet tregtare nga Evropa Perëndimore po gjejnë mënyra për të përdorur këtë rrugë detare kritike për tregtinë globale..