Një asteroid i madh do të kalojë pranë Tokës nesër (FOTO)

Një asteroid i etiketuar si “vrasës i qytetit”, pasi që është mjaft i madh për të fshirë një qytet, do të kalojë padëmshëm midis orbitës së Tokës dhe Hënës të shtunën. Fluturimet e asteroideve janë të zakonshme, por NASA tha se ishte e rrallë që një kaq i madh të afrohej kaq afër dhe se ngjarje të tilla ndodhnin vetëm një herë në dekadë. Shkencëtarët vlerësojnë se madhësia e tij është diku midis 40 dhe 90 metra në diametër. I zbuluar një muaj më parë, asteroidi i njohur si 2023 DZ2 do të kalojë brenda 515,000 kilometra nga Hëna të shtunën dhe disa orë më vonë do të kalojë pranë Tokës me shpejtësi 28,000 km në orë. Takimi i afërt do t'u japë astronomëve mundësinë për të studiuar një shkëmb hapësinor nga pak më shumë se 68,000 kilometra larg. Në më pak se gjysmën e distancës nga këtu në Hënë, asteroidi do të jetë i dukshëm përmes dylbive dhe teleskopëve të vegjël, shkruan Guardian, përcjell Klankosova.tv. Asteroidi nuk do të kthehet më në rrugën tonë deri në vitin 2026. Fillimisht dukej se kishte një shans të vogël që mund të godiste Tokën kur të kthehej, por shkencëtarët e kanë përjashtuar që atëherë. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS [caption id="attachment_2024769" align="alignnone" width="769"] Asteroidi 2023 DZ2. Foto: Gianluca Masi/AP[/caption]