Një burrë e bën makinën të duket si e policisë me mbishkrimin ‘penis’

Një burrë ka bërë shaka me oficerët duke e bërë makinën e tij të dukej si e policisë britanike, por me një ndryshim të dukshëm. Mercedesi i argjendtë i vitit 1994 përmbante kuadratet blu dhe të verdha anash, siç shihet në një makinë të zakonshme policie, por mbi të ku zakonisht shkruan policia, ishte ‘penis’. Të njëjtën, burri e kishte vendosur edhe në pjesën e prapme të makinës me shkronja të kuqe të mëdha. Shoferët që kalonin pranë, mbetën të habitur pasi shumë njerëz menduan se ishin një makinë policie nga distanca, por kur afroheshin e kuptuan se nuk ishte ashtu, transmeton Klankosova.tv. Në videon, e cila ka marrë mijëra pëlqime dhe shikime, mbishkrimi sarkastik thoshte: “Epo, mirë, mirë, sa mungesë respekti”. Sipas komenteve, automjeti është parkuar në një rrugë në Willenhall, West Midlands dhe së fundmi është shitur në eBay. Megjithatë, njerëzit që thonë se e njohin pronarin, Ant Barret, konfirmuan se "është bërë për bamirësi".