Policia ka raportuar një rast të dyshuar të falsifikimit të dokumenteve dhe mashtrimit, që lidhet me pronën e një qytetari kosovar në Prizren.
Sipas informacionit zyrtar, prona e viktimës është transferuar te persona të tretë pa pëlqimin dhe dijeninë e tij, transmeton Klankosova.tv.
Hetimet kanë rezultuar me identifikimin dhe arrestimin e një të dyshuari. Ai dyshohet se ka përdorur një letërnjoftim të falsifikuar të Serbisë, duke shtuar të dhënat e viktimës për të realizuar mashtrimin.
Pas intervistimit nga prokurori, i dyshuari është dërguar në mbajtje, ndërsa hetimet për zbardhjen e plotë të rrethanave vazhdojnë.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.