Një ndër shkaqet e plakjes së parakohshme është edhe mungesa e yndyrave në dietën tuaj

Kur bëhet fjalë për lëkurën, shumë njerëz besojnë se nevojiten trajtime të ndryshme për secilin, pasi lloji i lëkurës ndryshon nga personi në person. Por ka disa rregulla themelore të kujdesit të lëkurës që u shërbejnë afërsisht të gjithëve, pavarësisht nga moti, struktura e lëkurës dhe kushtet e tjera të jashtme. Është interesante se gjithçka ka të bëjë me faktorët e brendshëm, dietën tuaj dhe nëse përfshini apo jo yndyrna në ushqimin tuaj. Nutricionistja indiane, Nmami Agarwal, ka shpjeguar se ka një lidhje midis plakjes së parakohshme dhe yndyrave, transmeton Klankosova.tv “Përfshini acidet yndyrore omega-3 në dietën tuaj. Pa përfshirë yndyrnat fare, mund të shkaktojë plakje të parakohshme", ka thënë Agarwal. Sipas nutricionistes, acidet yndyrore omega-3 gjenden në peshk, arra dhe fara. Më parë, ajo kishte folur për shtatë faktorët më të rëndësishëm që mund të çojnë në plakjen e hershme, si: Pirja e duhanit, varësia nga alkooli, stresi i tepërt, ekspozimi i tepërt në diell, temperaturat ekstreme të ftohta, mungesa e aktivitetit fizik dhe nënpeshë ose mbipeshë. Agarwal ka shtuar se ka ushqime të caktuara, përveç yndyrave, të cilat mund të ndihmojnë në tejkalimin e procesit të plakjes. Ato janë: Shega, avokado, kivi dhe portokalli, domatet dhe çaji jeshil.