Një vit më parë, Luan Hajra bashkë me nipin e tij, interpretoi "Mezi po marr frymë" në Klan Kosova (VIDEO)

Sot ka vdekur këngëtari i njohur kosovar, Luan Hajra. Një vit më parë, ai ishte i ftuar në emisionin "Ora Shtatë" në Klan Kosova, bashkë me nipin e tij Dren Llumnica. Ai, bashkë me të e pati interpretuar këngën "Mezi po marr frymë", njofton Klankosova.tv. Repertoari i njërit prej këngëtarëve më të njohur të muzikës burimore shqipe ishte mjaft i begatë. Në listën e hiteve të interpretuara nga Luan Hajra e që u përcollën nga gjenerata në gjeneratë janë “Rroka mandolinën”, “Kallma cigaren”, “O zambak, zambaku i bardhë”, “Nëpër telat e telefonit”, etj.