Një zyrtar policor dhe dy persona të tjerë arrestohen në Prizren pasi u rrahën

Inspektorati Policor i Kosovës ka bërë të ditur se janë arrestuar tre persona, njëri prej tyre zyrtar policor, nën dyshimin se kanë kryer veprën penale “Sulm”, në rrugën “Tranziti i Vjetër” në Prizren. Incidenti raportohet pas një konfrontimi verbal që eskaloi në dhunë, transmeton Klankosova.tv. Bazuar në të dhënat dhe hetimin preliminar raportohet se gjatë këtij incidenti disa persona kanë pësuar lëndime trupore. Me vendim të Prokurorit kujdestar të Prokurorisë Themelore Prizren të njëjtëve u është caktuar masa e ndalimit për 48 orë. “Inspektorati Policor i Kosovës mbetet i përkushtuar në realizimin e mandatit të vet ligjor për hetimin e rasteve ku dyshimet bien mbi zyrtarët policorë dhe siguron opinionin publik se çfarëdo përfshirje eventuale e zyrtarëve të sigurisë në vepra penale do të trajtohet me paanshmëri dhe profesionalizëm të plotë”, thuhet tutje në njoftimin e IPK-s