Bosi famëkeq meksikan i drogës Nemesio Oseguera Cervantes, i njohur si "El Mencho", u varros në një arkivol të artë dje. Kreu i kartelit vdiq nga plagët e marra në një shkëmbim zjarri me forcat speciale meksikane që u përpoqën ta arrestonin atë në fund të shkurtit. Vdekja e tij shkaktoi një valë dhune hakmarrjeje në të gjithë vendin, raporton BBC , transmeton Klankosova.tv Funerali u mbajt pranë Guadalajarës në shtetin Jalisco, bastioni i kartelit të tij, dhe një forcë e madhe e Gardës Kombëtare u dislokua për të parandaluar dhunë të mëtejshme. Përpara shërbimit, në shtëpinë e varrimit u sollën aranzhime të mëdha me lule, përfshirë një në formën e një gjeli, një aludim për pasionin e tij për luftimet me gjela.Sipas agjencisë së lajmeve AFP, u deshën pesë kamionë për të transportuar të gjitha aranzhimet me lule në varreza, shumica e të cilave u dërguan në mënyrë anonime.Ata i fshehën fytyrat me maska në funeralProcesioni i varrimit u shoqërua nga muzikë e quajtur "narcocorridos", ose këngë që festojnë jetën e baronëve të drogës. Mediat lokale raportuan se kënga tradicionale "El Muchacho Alegre" (Djali i Gëzuar) u luajt ndërsa arkivoli i artë që mbante trupin e Oseguera mbërriti në kishën e varrezave.Pas një ceremonie njëorëshe, të pranishmit, shumë prej të cilëve i fshehën fytyrat me maska, e shoqëruan arkivolin drejt vendit të varrimit. Mediat meksikane vunë re se varri ishte relativisht modest krahasuar me ato të baronëve të tjerë të drogës, të cilët shpesh varrosen në mauzole të mëdha.
Vrasja e Oseguera shihet si një fitore për qeverinë e presidentes Claudia Sheinbaum, e cila ka qenë nën presion në rritje nga Presidenti i SHBA-së Donald Trump për të rritur luftën kundër trafikut të drogës. Pas vdekjes së tij, anëtarët e kartelit dogjën automjete dhe bllokuan rrugët në 20 shtete meksikane.Megjithatë, ekziston frika se boshllëku i lidershipit i krijuar nga vdekja e tij mund të çojë në një rritje të dhunës në afat të shkurtër. Karteli vlerësohet të ketë dhjetëra mijëra anëtarë dhe fraksione të ndryshme brenda grupit kriminal tani pritet të luftojnë për kontroll. /Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
