Njeriu më i vjetër i gjallë në botë feston 112-vjetorin e lindjes

Burri më i vjetër i gjallë në botë festoi të hënën 112-vjetorin e lindjes në shtëpinë e kujdesit ku jeton në Angli. John Alfred Tinniswood lindi më 26 gusht 1912, pak më shumë se katër muaj pas fundosjes së Titanikut dhe tre muaj pasi Shqipëria shpalli  pavarësinë. Tinniswood u emërua njeriu më i vjetër i gjallë në botë nga Guinness World Records në fillim të këtij viti. "Nuk më ndikoi në asnjë mënyrë në të vërtetë, të jem i sinqertë me ju", i tha Tinniswood Rekordeve Botërore Guinness për arritjen e titullit. "Personalisht, kjo nuk do të thotë asgjë". Ai ishte po aq i pavëmendshëm për të mbushur 112 vjeç. "Sinqerisht. Nuk e ndiej atë moshë, nuk emocionohem për këtë. Ndoshta kjo është arsyeja pse e kam arritur. Thjesht e marr në hap si çdo gjë tjetër", deklaroi ai. Tinniswood theksoi se nuk e di vërtet sekretin e jetëgjatësisë së tij. "Nuk mund të mendoj për ndonjë sekret të veçantë që kam. Kam qenë mjaft aktiv si i ri; kam bërë shumë ecje. Por për mua, nuk jam ndryshe. Nuk jam aspak ndryshe nga të tjerët" përfundoi ai. https://www.youtube.com/watch?v=SYZXR5sndAw