Nuara dhe Uresa, sfidueset e radhës në lojërat e “Orës së Pasdites” (VIDEO)

Kuizi tashmë shumë i dashur për të vegjlit tanë, çdo të premte është prezent në ekranin e Klan Kosovës. Në “Super Mendjet”, çdo herë janë dy fëmijë, të cilët mes vete garojnë duke u përballur me sfida të ndryshme, natyrisht përshtatur moshës së tyre. Pjesëmarrja në një garë kaq të lezetshme televizive, nuk i lë pa dhurata. Dhe jo vetëm një, por gjatë secilës lojë të përfunduar, ata do të marrin shpërblime. Në të premten e kësaj jave, ishin Nuara dhe Uresa, ku përgjatë gjashtë lojërave shpesh edhe barazoheshin. Qëllimi i një hapësire mediale për mosha të tilla, nuk ka për synim nxjerrjen e fituesit me patjetër, megjithatë lojërat janë tejet atraktive dhe në të njëjtën kohë nxisin ndjenjën e garimit. Përmes linkut të mëposhtëm, të gjithë ju mund t'i shikoni garuesit gjersa mundohen të dëshmojnë veten. https://www.youtube.com/watch?v=-jD0HGU2eqI