Zëvendëspresidenti i SHBA-së, JD Vance, shmangu sot përgjigjen e një pyetjeje në lidhje me atë që i kishte këshilluar Presidentit Donald Trump për luftën në Iran, duke pretenduar se diskutimet ishin konfidenciale dhe se zbulimi i tyre mund ta çonte atë në burg, raporton CNNI pyetur se çfarë i këshilloi fillimisht Trumpit, ndërsa presidenti shqyrtoi opsionet ushtarake kundër Iranit, Vance tha se kjo u diskutua në një mjedis konfidencial dhe se përmbajtja nuk do të bëhej publike."Nuk dua t'ju zhgënjej, por nuk do ta zbuloj këtu para Zotit dhe njerëzve saktësisht atë që thashë në atë dhomë konfidenciale. Pjesërisht sepse nuk dua të shkoj në burg, dhe pjesërisht sepse mendoj se është e rëndësishme që presidenti i Shteteve të Bashkuara të mund të flasë me këshilltarët e tij pa qenë nevoja që ata të shkojnë në mediat amerikane me atë informacion", tha Vance gjatë një fjalimi në Karolinën e Veriut, transmeton Klankosova.tv Megjithatë, është interesante që vetë Trump nuk hezitoi të zbulonte se si zëvendëspresidenti i tij kishte shprehur rezerva në lidhje me veprimet ushtarake."Do të thoja se ai ishte pak më ndryshe nga unë në filozofi. Mendoj se ai ishte ndoshta më pak entuziast për të ndërmarrë veprime", u tha Trump gazetarëve të hënën.
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
