“Nuk ishte mirë”, flet menaxheri i Aaron Carter, artistit që vdiq në moshën 34-vjeçare

Menaxheri i Aaron Carter, ka folur për ditët para vdekjes së këngëtarit. Taylor Helgeson, i cili nisi ta menaxhonte Aaron vetëm tetë muaj para vdekjes së tij të parakohshme, tha se ai e pa atë vetëm dy ditë para se të gjendej i vdekur. Në një intervistë të re, Taylor tha se u takua me Aaron për të diskutuar rreth albumit të ri që ata kishin planifikuar ta bënin së bashku. Ai tregoi se si dukej këngëtari në ditët e fundit. “Ai dukej i dobët. Ai ishte jashtëzakonisht i lodhur”, tha Taylor për Page Six. “Ai thjesht dukej sikur duhej të bënte gjithçka, përveçse të punonte. Ai dukej sikur duhej të kujdesej dikush për të”. “Nuk ishte mirë. Tani kur e them këtë, mendoj se është me të vërtetë e rëndësishme që ta kontestojmë këtë. Ai s’ishte në rregull fizikisht, mendërisht”. Aaron u gjet i vdekur në vaskën e shtëpisë së tij në Kaliforni më 5 nëntor në moshën 34-vjeçare, transmeton Klankosova.tv.