Nuk u pastrua për gjysmë shekulli, vdes iraniani në moshën 94-vjeçare

Ka vdekur në moshën 94-vjeçare, iraniani i quajtur si "njeriu më i ndyrë në botë", i cili nuk u pastrua për vite të tëra. Amou Haji kishte refuzuar të përdorte sapun dhe ujë për më shumë se gjysmë shekulli, nga frika se do të sëmurej. Iraniani, i cili jetonte në provincën jugore Fars, kishte shmangur përpjekjet e mëparshme të fshatarëve për ta pastruar atë. Por, sipas mediave vendase, Haji më në fund i është dorëzuar presionit dhe është larë disa muaj më parë, shkruan BBC, transmeton Klankosova.tv Sipas agjencisë iraniane të lajmeve IRNA, ai u sëmur pak më vonë dhe vdiq të dielën. Ndryshe, iraniani mbetet temë e diskutimit nëse mban rekordin për të kaluarën më të gjatë pa bërë dush.