Numërimi elektronik në Vorë, ja rezultatet e kutive të para

Është numëruar kutia e parë përmes votimit elektronik në Vorë, në qendrën e votimit nr. 1558, ZAZ 27. Sipas të dhënavetë siguruar nga Euronews Albania, në këtë qendër ishin regjistruar 1,000 zgjedhës, ndërsa kanë votuar 138 qytetarë, çka përbën një pjesëmarrje prej 13.8%. Nuk është regjistruar asnjë votë e pavlefshme, transmeton Klankosova.tv. Partia Socialiste është renditur e para, me 98 vota të marra. Kandidati më i votuar i PS në këtë zonë është Blendi Gonxhja me 53 vota. Koalicioni “Aleanca për Shqipërinë Madhështore” ka siguruar 31 vota. Partia Mundësia ka marrë 4 vota. Ndërkohë, Lëvizja Bashkë, ka marrë vetëm 1 votë, ndërsa “Nisma Shqipëria Bëhet”, ka marrë tre vota. Ndërkohë që procesi i numërimit në Vorë ka vijuar me kutinë e dytë të hapur, në qendrën e votimit 2037/1 në Domje, ku rezultati ka konfirmuar epërsinë e Aleancës për Shqipërinë Madhështore (PD-ASHM). Sipas të dhënave zyrtare, në këtë qendër PD ka marrë 212 vota, ndërsa Partia Socialiste është renditur e dyta me 120 vota.