Numri një i botës në tenis do të mungoj në “Australian Open”

Numri një i botës në tenis, Carlos Alcaraz, nuk do të luajë në “Australian Open” pasi pësoi një dëmtim në këmbë në stërvitjet parasezonale. Spanjolli 19-vjeçar u bë numri një i botës për meshkujt më i riu në histori, pasi fitoi Grand Slamin e tij të parë në US Open në shtator. Ai do të duhej të luante në Kooyong Classic javën e ardhshme përpara se të fillonte “Australian Open” më 16 janar. “Kur isha në maksimumin tim në parasezon, mora një lëndim përmes një lëvizjeje të rastësishme, të panatyrshme”, tha Alcaraz. “Kam punuar shumë për të arritur nivelin tim më të mirë për Australia Open, por fatkeqësisht nuk do të jem në gjendje të luaj në Kooyong apo Australian Open”. Ai shtoi: "Është e vështirë, por duhet të jem optimist, të rikuperohem dhe të shikoj përpara. Shihemi në Australian Open 2024". Alcaraz u bë lojtari më i ri që mban vendin e parë në botë pas fitores së tij ndaj Casper Ruud në finalen e “US Open” në Nju Jork katër muaj më parë. /Klankosova.tv.