“Nur Drenica” ishte ndaluar edhe më parë për kërcënime ndaj kryeministrit Kurtit

Policia e Kosovës sot e ka marrë në pyetje rapsodin e njohur shqiptar nga Drenasi, Nuredin Gashi i njohur si “Nur Drenica”. Ai është intervistuar për shkak se e përkrahu deklaratën e kreut të OVL-UÇK-së, Faton Klinaku ku u përmend vrasja e kryeministrit Albin Kurti, raporton Klankosova.tv. Gashi mbrëmë në një lidhje direkte në “Debat Plus”, komentoi deklaratën e Faton Klinakut gjersa e quajti tradhtar kryeministrin Kurtin dhe subjektin e tij politik. “E kam thënë dhe e them prapë, nuk e marr tragjike deklaratën e Faton Klinkaut sepse atdheu është më me vlerë sesa të gjitha. Konsideroj se çdo njeri i cili bën të këqija, siç bën Albin Kurti, dhe po të isha në vendin e tij, duhet të vritet patjetër sepse është tradhti ndaj atdheut. Konsideroj se partia e Kurtit dhe stafi i vet janë tradhtarë të vendit”, kishte deklaruar ai. Ndaj tij, prokurori ka vendosur masën e paraburgimit prej 48 orësh. Por, “Nur Drenica” nuk është hera e parë që ballafaqohet me organet e rendit. Në gusht të vitit 2020, ai ishte ndaluar nga Policia e Kosovës pikërisht për shkak se shihej si kërcënues për asokohe ish-kryeministrin Albin Kurti. Për shkak të këngëve të tij me gjuhë dhune, u ndalua me të ardhur në Kosovë nga Suedia. Ndiqeni kronikën e gazetarit Haris Ademi. /Klankosova.tv https://klankosova.tv/ndalohet-rapsodi-qe-kercenoi-kurtin-video/