Nxënësit e klasës bëhen bashkë, botojnë një libër (VIDEO)

Artin në të shkruar e treguan e edhe ëndrrën e realizuan. Fëmijët thurën nga një poezi që i përmblodhën në një libër e i cili u përurua të shtunën. Nxënësit e klasës së pestë të shkollës “Daut Bogujevci” në Fushë-Kosovë, festën e nisën me këngë kushtuar atdheut. Derisa veprat e poetëve të rinj, i vlerësoi lart kolegu i tyre i rritur, Halil Xani, raporton Klan Kosova. Kurse prindërit u shprehën të lumtur që fëmijët patën rastin të shprehin talentin në shkrim. E iniciatorja, mësuesja Valdete Sopa, i bëri të ditura arsyet pse u punua ky krijim letrar. “Po mbretëron teknologjia dhe kudo na rrethon, unë me nxënësit e mi jam mundu duke i nxitë dhe motivu, përmes kësaj me mbjellë dashurinë për librin dhe shprehinë e leximit.” tha Sopa. Libri përmban poezi për atdheun, familjen e profesionet e ëndrrave për fëmijët. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/8A96ABTbuxE