Drejtori i Përgjithshëm i Organizatës Botërore të Shëndetësisë,Tedros Adhanom Ghebreyesus, u bëri thirrje udhëheqësve botërorë që të ndajnë vaksinat kundër koronavirusit në mënyrë të drejtë.
Kreu i OBSH-së këtë thirrje e bëri sot gjatë takimit virtual të Samiti G20, shkruan CNN, transmeton Klan Kosova
Ndarja e drejtë e vaksinave është thelbësore ndaj gjendjes pandemike dhe një rimëkëmbje e më e shpejtë globale," tha Tedros gjatë fjalimit të tij.
Tedros tha se ka nevojë për një investim të menjëhershëm prej 4.5 miliardë dollarë për vaksinat.
Samiti i Grupit 20, ose G20, është një mbledhje e liderëve botërorë për të diskutuar çështjet ndërkombëtare.
Tedros vuri në dukje se G20 e cila përfaqëson dy të tretat e popullsisë së botës dhe 80% të ekonomisë globale do të luajë një rol jetik në jo vetëm përfundimin e pandemisë së koronavirusit, por parandalimin e pandemive në të ardhmen.
"Për të parandaluar shpërthimet e ardhshme dhe ndikimin e tyre në jetë, jetesë dhe ekonomi, të gjitha vendet duhet të investojnë në gatishmëri dhe mbulim universal shëndetësor," tha ai.
●●●
NSHKRIMI NGA
NP
Editorial nga Klan Kosova — ndjek lajme dhe zhvillimet e tjera kryesore të vendit.
