Operacioni "Sezoni Veror": Kapen mbi 2 kilogramë marihuanë, tre në pranga

Tre persona janë arrestuar dje në Prizren, në operacionin e koduar "Sezoni Veror 2025". Në këtë aksion janë kapur mbi 2 kilogramë drogë e llojit marihuanë, e cila vlerësohet të jetë rreth 11 mijë euro. Në vendin e ngjarjes dhe gjatë bastisjes janë gjetur dhe sekuestruar edhe: Të holla në vlerë 115 euro; një peshore elektronike; disa qese najloni për paketim të substancës narkotike; një rollne foli najloni për paketim të substancës narkotike; dy telefona mobilë; një veturë me targa vendore.