Opozita kritikon qeverinë për gjendjen në shëndetësi, përmendet mungesa e ministrit (VIDEO)

Në mungesë të kourimit ka dështuar votimi i Rezolutës për Shëndetësi që u propozua nga Partia Demokratike e Kosovës. Në seancën e së premtes, deputetët, debatuan mbi situatën e krijuar në këtë fushë, ku pas dorëheqjes së ish-ministrit, Rifat Latifi, nuk është emëruar dikush tjetër, dhe në më shumë se një muaj, ky dikaster po funksionon me ushtrues detyre, njofton Klan Kosova. Kjo sipas deputetit të PDK-së, Bekim Haxhiu, po ngjan ngase kjo pozitë ka mbetur peng i koalicionit të Lëvizjes Vetëvendosje me Listën Guxo. Kritika të shumta për menaxhim u thanë edhe nga ana e ish-ministri i Shëndetësisë nga radhët e Lidhjes Demokratike të Kosovës, Armend Zemaj. Meqenëse të pranishëm nuk qenë nga kabineti qeveritar, nga shumica folën deputetët, ku Haxhi Avdyli, u deklarua se problemet që po theksohen nuk janë krijuar së fundmi, ndërkohë që këtij i replikoi  ligjvënësi nga PDK-ja, Ardian Kastrati, sipas të cilit këto nuk do t’i ndihmojnë Abdylit të bëhet ministër. Përveç për shëndetësi, në kuvend u ironizua edhe për qeveritarët, ku Ganimete Musliu i kërkoi ndihmë Agim Veliut për t’i gjetur ata, derisa Veliu tha se kjo nuk është e vështirë meqë në ShBA nuk kanë pse i kërkojnë. https://www.youtube.com/watch?v=yUDCOyfWk_Y