ORL rrezikon shërbimet, shkak mungesa e kuadrove të avancuara (VIDEO)

Derën e vetme për trajtim të rasteve onkologjike në fyt, përfshirë edhe gjëndrën tiroide, pacientët e kanë vetëm Klinikën e ORL-së  në QKUK. Mirëpo, nga katër specialistë që janë marrë me këto operacione të avancuara, tashmë kanë mbetur vetëm dy ngase dy të tjerët kanë kaluar në sektorin privat. Ndaj, reparti rrezikon të mbyllet nëse edhe aktualët largohen, teksa çmimet në sektorin privat janë goxha të larta. Intervenimi i gjëndrës tiroide sillet nga 1,500-2,000 euro dhe ato të laringut nga 3,000-4,000 euro, njofton Klan Kosova. Sipas drejtorit të kësaj klinike, Arsim Behramaj, pacientët me kushte më të mira ekonomike tashmë veç shkojnë në sektorin privat, dhe se aktualisht për të marrë shërbime aty shkojnë vijnë rastet sociale dhe me sëmundje të vonuar. Gjendje deficiti të kuadrit me përgatitje të lartë ka edhe te reparti i veshit, teksa një specialist i kësaj fushe për fëmijë ka disa muaj që nuk është pjesë e ORL-së. Aktualisht në këtë klinikë janë 13 specialistë dhe 12 specializantë, këta të fundit për t'u profilizuar dhe pavarësuar në punë pas specializimit ju duhen edhe disa vjet shtesë. https://www.youtube.com/watch?v=olth55M0gkI