OSBE në Kosovë organizon turne multietnik të tenisit

Misioni i OSBE-së në Kosovë, në bashkëpunim me Klubin e Tenisit Prishtina dhe Klubin e Tenisit Graçanica, do të organizojnë një turne multietnik gjashtë-ditor të tenisit, njofton Klan Kosova. Rreth 50 pjesëmarrës nga mosha 8 deri në 18 vjeç nga komunitetet shqiptare, serbe, gorane dhe turke do të marrin pjesë në turne. Gjatë pesë ditëve të para, pjesëmarrësit do të trajnohen nën mbikëqyrjen e trajnerëve të akredituar, kurse me 10 shtator, ditën e fundit të ngjarjes, do të garojnë në dy grupe, nga 8 deri 14 vjeç, dhe nga 14 deri 18 vjeç. Pjesëmarrësit do të marrin certifikata, kurse vendi i parë dhe i dytë i të dy grupeve do të shpërblehen me medalje. Qëllimi i këtij turneu, sipas OSBE-së, është të rrisë pjesëmarrjen e fëmijëve në nevojë në sport, dhe ndërveprimin mes komuniteteve të ndryshme. Turneu është i hapur për publikun.

klankosova.tv