Osmani lavdëron Kurtin për "përballjen me presionin ndërkombëtar" në Ohër (VIDEO)

Presidentja e vendit, Vjosa Osmani, të mërkurën është deklaruar për takimin e 18 marsit në Ohër, të zhvilluar mes kryeministrit Albin Kurti dhe presidentit serb Aleksandar Vuçiq. E këtij të fundit, sipas Osmanit iu deshën veç 24 orë për të kundërshtuar zbatimin e marrëveshjës evropiane. Pikërisht ky kundërshtim, sipas shefes së shtetit, mund të sjellë dështim të zotimeve që u bënë para Josep Borrell e Miroslav Lajçak. Edhe pas kalimit të këtyre ditëve, Osmani thotë se e ka zor të besojë atë që ndërmjetësuesit e dialogut ia vendosën në tavolinë Kurtit, më 18 mars. Për rezistencën ndaj asaj që e quajti, presionit ndërkombëtar, ajo e lavdëroi kryeministrin Kurti. Trysnia sipas Osmanit duhet të zhvendoset te pala serbe që të zbatojë atë për çka u dakordua e që sipas saj në esencë është njohje e pavarësisë së Kosovës. Për këtë pjesë jo edhe aq, por sqarimet për kuptimin e vetëmenaxhimit të serbëve qe i nevojshëm. “Tek neni 7 ajo që quhet ‘vetëmenaxhim’ nga komuniteti ndërkombëtar është interpretuar si zbatim i obligimeve që Kosova ka marrë në vitin 2013. Kjo për mua si presidente e Republikës së Kosovës nënkupton respektim të plotë të vendimit të Gjykatës Kushtetuese, ashtu siç kam thënë nga viti 2015 e tutje”, tha Osmani. Ankesi i marrëveshjës që u shtua në Ohër sipas presidentës është jo i kompletuar, pasi nuk parasheh sanksionet që mund të kenë palët që nuk e zbatojnë atë. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=-sOCcWpk8jQ