Osmani në mbështetje të fëmijëve me autizëm: Meritojnë mirëkuptim dhe dashuri

Presidentja e Kosovës, Vjosa Osmani ka shprehur përkrahjen e saj për fëmijët me autizëm. Përmes një postimi në Facebook ajo ka thënë se çdo fëmijë meriton të dëgjohet dhe mbështetet, shkruan KlanKosova.tv. "Sikurse çdo vit, edhe sot, jemi krah për krah me fëmijët me autizëm dhe familjet e tyre, për më shumë mirëkuptim, mbështetje dhe dashuri për secilin fëmijë. Sepse çdo fëmijë meriton të dëgjohet dhe të mbështetet", ka shkruar Osmani në Facebook.