Osmani në përurimin e shtatores së Kelmendit: Është krenaria e vendit

Sot në qytetin e Pejës është bërë përurimi i shtatores së kampiones olimpike, Majlinda Kelemdit. Në këtë ngjarje ka qenë e pranishme edhe kryetarja e Kuvendit, Vjosa Osmani, e cila ka thënë se Majlinda Kelmendi është krenaria e gjithë vendit, njofton Klan Kosova. “Majlinda Kelmendi është krenaria e gjithë vendit tonë. Pavarësisht sfidave dhe problemeve, sportistët tanë na kanë dëshmuar çdo ditë e më shumë se ne mund të rrezohemi, por kemi fuqinë që të rimëkëmbemi edhe një mijë herë nëse është nevoja”. “Faleminderit Majlinda që u bëre inspirim për të gjithë njerëzit e këtij vendi. Faleminderit që lotët e tu u shndërruan në diamant të fuqishëm për secilin qytetar të Kosovës”. “Pavarësisht sfidave që i patën, sportistët nuk u dorëzohen, por vazhduan ta ngritin shtetin e tyre në piedestal”. “Faleminderit që e ngritët flamurin e Kosovës edhe në ato vende ku ne politikanët nuk arritëm ta bëjmë. Ka ardhur koha që edhe politika ta arrijë nivelin tuaj dhe ta bëjmë krenare Kosovën. Urime të gjithëve për këtë moment historik që i bën krenarë të gjithë”. Klikoni në linkun e mëposhtëm për t'u informuar më shumë rreth kësaj ngjarje. https://klankosova.tv/majlinda-kelmendi-shtatorja-e-ka-vendin-ne-peje-ku-kam-lindur/

klankosova.tv