Pacienti largohet nga Enti Special në Shtime - policia nis kërkimet

Një pacient është larguar pa autorizim të hënën nga Qendra për Integrim dhe Rehabilitim Social e Komuniteteve të Pasigurta. Lajmi është konfirmuar për Klankosova.tv nga zëdhënësi i Policisë së Ferizajt, Kanun Veseli, i cili ka bërë të ditur se personi në fjalë, me inicialet A.E., nuk është përsëritës i këtij lloji të veprimit. Pacienti është shpallur në kërkim dhe vazhdon ende të jetë i pa kapur nga autoritetet. "Jemi njoftuar se pacienti m/sh/k prej orës 12:30 nuk është në Q.I.R.S.K.P. Vlenë të ceket se i njejti nuk është recidivist i ikjeve nga enti. Personi vërehet në pamje fizike që është me të meta dhe po ashtu me njërën këmbë çalon, i gjatë është rreth 170 cm", deklaroi Veseli. Aktualisht nuk ka informacione për vendndodhjen e tij./Klankosova.tv