Pacquiao boksoi me shpatull të dëmtuar

Pas humbjes ndaj Mayweather erdhi reagimi i menaxherit të Pacquiao, Frederic Roach, i cili tha se filipinasi boksoi me një shpatull të dëmtuar. “Ai kishte dëmtuar shpatullën në një ndeshje stërvitore në 11 mars, por komisionerët e ndeshjes nuk na lejuan që të bënim një injeksion anti-inflamator”, tha ai. Këto pretendime të Roach i hodhën poshtë komisionerët të cilët thanë se nuk ishin në dijeni për diçka të tillë, e as që u ishte kërkuar injeksioni. “Nuk e dinim nëse ai ishte i dëmtuar dhe sa i rëndë ishte dëmtimi. Nuk mund të jepnin konsensusin tonë për injeksion me një fjalë goje, ata duhet të na kishin dërguar kërkesë me shkrim”, thanë zyrtarët e garës. Pacquiao humbi meçin me pikë pas vendimit unanim të gjyqtarëve në favor të Mayweatherit.