Është paditur për keqpërdorim të detyrës zyrtare drejtoresha e inspektoratit në komunën e Gjilanit, Eltena Hyseni, dhe inspektori i ndërtimit, Ali Morina.
Kallëzimin penal e kanë bërë Venera e Antigona Avdullahi, të cilat akuzojnë drejtoreshën Hyseni e inspektorin Morina, për angazhimin e një kompanie me çmim shumë të lartë, për rrënimin e objektit të zonjave të cilin e kishin pa leje.
Sipas avokatit të tyre, Halit Azemi, drejtoresha ka angazhuar një kompani për rrënimin e këtij objekti në vlerën e mbi 13 mijë eurove, që është shumë më shtrenjtë se normalja.
Këto akuza i mohon, këshilltari për media në komunën e Gjilanit, Besart Selimi.
Sipas tij, gjithçka është bërë me procedurat e prokurimit në mënyrë të rregullt dhe kjo akuzë e zonjave, beson se do të hedhet poshtë nga prokuroria themelore për shkak se nuk ka prova e as bazë ligjore.
Ndërsa prokuroria vetëm i ka konfirmuar Klan Kosovës akuzën duke njoftuar se tashmë kanë nisur punimet e para për zbardhjen e këtij rasti.
https://www.youtube.com/watch?v=feTkCSNts2w
●●●
LISHKRIMI NGA
L I
Editorial nga Klan Kosova — ndjek video lajme dhe zhvillimet e tjera kryesore të vendit.
