Pakistani përgatitet për bisedime paqeje ShBA-Iran

Ministri i Jashtëm i Iranit, Abbas Araghchi, ka mbërritur në Pakistan dhe Shtëpia e Bardhë thotë se po dërgon të dërguarit specialë të ShBA-së, Steve Witkoff dhe Jared Kushner, në Islamabad të shtunën, sepse iranianët donin të flisnin "ballë për ballë", raporton BBC, transmeton Klankosova.tv

Një mesazh tjetër ka dalë nga zëdhënësi i ministrisë së jashtme të Iranit, Esmail Baqaei, i cili thotë se Araghchi do të takohet vetëm me "zyrtarë të nivelit të lartë pakistanezë".

"Nuk është planifikuar të zhvillohet asnjë takim midis Iranit dhe SHBA-së. Vëzhgimet e Iranit do t'i përcillen Pakistanit", tha ai.

Masa të rrepta sigurie janë vendosur në të gjithë Islamabadin, me rrugë kryesore të mbyllura dhe transport publik të pezulluar, ndërsa Pakistani përgatitet të presë një raund të dytë të bisedimeve të paqes ShBA-Iran.