Paneli i shtetit injoron kërkesat e të burgosurve për lirim me kusht (VIDEO)

Lirimi me kusht është kërkesa që më së shumti e bëjnë të dënuarit. Por pakëve prej tyre po u ofrohet kjo mundësi nga paneli i Këshillit Gjyqësor të Kosovës, raporton Klan Kosova. Këto kërkesa i vlerëson Paneli i lirimit me kusht i cili përbëhet nga dy gjyqtarë dhe një zyrtar i Ministrisë së Drejtësisë. E në dy vitet e fundit këta nuk kanë aprovuar as gjysmën e kërkesave. Në vitin 2022 janë pranuar 795 kërkesa për lirim me kusht, nga to 312 janë aprovuar dhe 483 janë refuzuar. Në vitin 2021 janë pranuar 770 kërkesa për lirim me kusht, nga to 237 janë aprovuar dhe 533 të refuzuar. E drejta për të kërkuar lirim me kusht fitohet kur i dënuari kryen dy të tretat e dënimit nëse dënimi i/e tij është mbi 5 vjet ndërsa për veprat e tjera mjafton një e dyta e dënimit. /Klankosova.tv https://youtu.be/tNUgjSr0IIk Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.