Papa Leo XIV i bëri thirrje sot administratës së presidentit të ShBA-së, Donald Trump, që të mos përpiqet të rrëzojë nga pushteti presidentin e Venezuelës, Nicolas Maduro, me forcë ushtarake.
Papa i parë amerikan tha se do të ishte më mirë të përpiqeshim të fillonim një dialog ose të ushtronim presion ekonomik mbi Venezuelën "nëse Uashingtoni dëshiron të arrijë ndryshime".
Administrata Trump po shqyrton mundësi për të luftuar atë që e ka portretizuar si "roli i Maduros në furnizimin me drogë të paligjshme që po vrasin amerikanët".
Presidenti socialist i Venezuelës ka mohuar të ketë të bëjë me tregtinë e paligjshme të drogës. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
