Parcela e zbrazët me rërë në Dubai u shit për 34 milionë dollarë

Ka shumë gjëra që mund të blini për 34 milionë dollarë. Në pjesë të ndryshme të botës, mund të blini  kështjella të larta, mega pallate të gjata buzë plazhit ose prona madhështore që vazhdojnë për kilometra të tëra. Mund të blini flota makinash sportive të fuqishme Lamborghini ose Rolls-Royce Phantoms madhështore. Mund të blini edhe një avion privat. Në Dubai, kjo shumë parash ju sjell një grumbull rërë. Në rregull, jo vetëm një grumbull rëre. Rëra në fjalë është një parcelë e zbrazët në ishullin luksoz Jumeirah Bay, i cili kohët e fundit u shit për më shumë se 34 milionë dollarë – një çmim mahnitës edhe në një pjesë të botës ku çmimet e pasurive të paluajtshme mund të arrijnë aq të larta sa arkitektura qiellore. Prona e pazhvilluar prej 24 mijë e 500 metrash katrorë u shit nga Umar Kamani, një sipërmarrës britanik dhe bashkëthemelues i shitësit të modës PrettyLittleThing. Shitja – për 125 milionë dirhemë (AED) – shënon një fitim të jashtëzakonshëm prej 242% mbi çmimin e tij fillestar të blerjes prej 36.5 milionë AED, ose pak më pak se 10 milionë dollarë, më 2021. Identiteti i blerësit nuk dihet. Parcela është një nga 128 që fillimisht u vunë në dispozicion në ishullin artificial, i cili lidhet me kontinentin nëpërmjet një ure. Çmimi i tij në rritje në qiell është një reflektim jo vetëm i qëndrueshmërisë së disa prej pasurive të paluajtshme të Dubait ndaj tendencave rënëse në ekonomitë globale, por gjithashtu, thonë sekserët, të asaj për të cilën mega të pasurit duan të shpenzojnë dollarët e tyre. "Jumeirah Bay është më ekskluzive e ekskluzivitetit", thotë Andrew Cummings nga Knight Frank Dubai, agjencia e pasurive të paluajtshme që trajtoi shitjen. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.