Paris Hilton tregon se ka një vajzë të vogël të quajtur London (FOTO)

Paris Hilton ka zbuluar se ka lindur fëmijën e saj të dytë - një vajzë të cilën e ka quajtur London. Tani nëna e dy fëmijëve tha në një postim në Instagram se ishte "mirënjohëse për vajzën", së bashku me një fotografi të një veshjeje rozë me emrin London të shkruar mbi të, me një arushë pelushi dhe syze dielli me zemër. Hilton përdori opsionin “stories” në Instagram për t'i treguar familjes së saj se tani kishte "dy foshnja" dhe e përshkroi fëmijën e saj të parë, Phoenix, si një "vëlla të madh". E enjtja shënoi festën e Falënderimeve në ShBA, ku miliona familje mblidhen për të festuar. Afaristja nuk ka treguar se kur ka lindur vajza e saj, por ajo që dihet është se djali i saj ka lindur me surrogate në muajin janar. Në një postim të mëparshëm, Hilton shkroi: “Jam shumë mirënjohëse për këtë jetë të bukur. Ky vit ka sjellë kaq shumë bekime të mahnitshme, më e pabesueshmja është të bëhesh nënë”.