Parkingu nëntokësor zbret për 85% disa çmime (VIDEO)

Shoferët që parkojnë makinat në parkingun nëntokësor në Prishtinë, së shpejti do të paguajnë më pak. Bëhet fjalë për ata të cilët kanë kontratë mujore por që nuk e kanë vendin e rezervuar në parking, raporton Ju Flet Prishtina. “Prishtina Parking”, së bashku me Komunën e Prishtinës, janë duke diskutuar që çmimet të ulen dukshëm. Për këta persona është planifikuar që pagesa të jetë 40 e 60 euro në muaj. Ndërsa 250 euro në muaj do të vazhdojnë të paguajnë kompanitë ose personat fizik të cilët kërkojnë vendet e rezervuara këtu. Menaxheri i parkingut, Korab Fazliu, tha se është planifikuar që të zbritet çmimi i parkimit për ata që parkojnë veturën 15 orë në ditë, ku më lirë do të jetë në orët e natës, por jo edhe për ata që qëndrojnë 1-2 orë. Fazliu tutje tha se tashmë kanë filluar punimet për rregullimin e problemit me ujërat nëntokësore i cili paraqitet sa herë bie shi. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/K7AEHrLPA10